З 27 па 31 студзеня ў школе быў праведзены прадметны тыдзень па беларускай мове і літаратуры ў пачатковых класах.
Адкрыццём прадметнага тыдня для вучняў стала святочнае запрашэнне вучняў III “В” класа ( настаўніца Назаровіч А. В.) у беларускую гасцёўню “Над Белай Руссю - белы бусел”. Гаспадар і гаспадынька сустрэлі гасцей хлебам- соллю. Былая настаўніца беларускай мовы і літаратуры Пушкіна Раіса Міхайлаўна, якая была запрошана на свята, паведаміла вучням пра гучанне роднага слова, пра працавіты, улюблёны ў свой край, беларускі народ. У ходзе мерапрыемства ўдзельнікі з вялікай ахвотай выконвалі заданні ад бусліка: пабылі даследчыкамі, перакладчыкамі, артыстамі.
Падтрымалі эстафету ў правядзенні тыдня вучні IV “Г” класа (настаўніца Гаравая Ж. П.). Шмат чароўных скарбаў умясціла скарбонка: прыказкі, загадкі, забаўлянкі, скорагаворкі, паданні, легенды. Цікава вучням было зазірнуць у яе, каб раскрыць таямніцы. Здольнымі аказаліся ўдзельнікі ў моўных гульнявых спаборніцтвах: “Перакладчык”, “Лепшы скорагаворшчык”, ”Жартаўнік”. Творчую актыўнасць праявілі маленькія артысты пры паказе сцэнкі беларускага свята “Калядкі”.
Самыя маленькія ўдзельнікі тыдня беларускай мовы і літаратуры - вучні II “Г” класа (настаўніца Грыгараш Н. Ф.). Цікава і пазнавальна прайшла ў класе інтэрактыўная гульня “Кола загадак”. З дапамогай дзяўчат- беларусачак зорачкі заблішчэлі ў руках вучняў, а на дошцы адкрылася цэлая галерэя картак - малюнкаў, якія з҆ явіліся адгадкамі на пытанні. У канцы гульні былі выяўлены самыя лепшыя ўдзельнікі, якія набралі большую колькасць балаў.
Па выніках правядзення прадметнага тыдня беларускай мовы і літаратуры можна зрабіць наступную выснову: настаўнікі выкарыстоўвалі элементы сучасных тэхналогій і методык выкладання: праблемнае навучанне, інтэрактыўнае і групавыя метады работы.
Усе настаўнікі на працягу тыдня паказалі добрыя арганізатарскія здольнасці, стварылі святочную творчую атмасферу.
Комментариев нет:
Отправить комментарий
Примечание. Отправлять комментарии могут только участники этого блога.